Viðvera nemenda

Fjarvistarbókhald er tvöfalt, þ.e. fjarvistir eru skráðar af kennara og forföll skráð af skrifstofu (eða sambærilegum aðila).

Kennari þarf að staðfesta mætingu í tíma, annars lítur út fyrir að tíminn hafi ekki verið haldinn og reiknast því ekki inn í fjarvistarstig nemenda.  Þegar kennari skráir fjarvistir er sjálfgefið gildi að allir nemendur séu mættir, því þarf einungis að breyta skráningu þeirra nema sem eru fjarverandi eða koma of seint.

Kennari getur breytt fjarvistarskráningu innan þess dags sem fjarvistir eru skráðar.

Lokunardagsetning fjarvista og forfallaskráningar er geymd á önninni. Ekki er hægt að skrá fjarvistir eða forföll fyrir eldri dagsetningar (nema kerfisbrjótur).            Hver skóli getur valið um hvort hann leyfir að skrá fjarvistir fram í tímann.  Undir Skólinn – Skólinn – Stýringar er breyta sem heitir Má skrá viðveru fram í tímann.

Við útreikning fjarvistarstigs er athugað hvort kennari hafi skráð fjarvist á nemanda í tíma, ef svo er er athugað hvort forföll hafi verið skráð á nemandann fyrir sama tíma og er þá notað fjarvistarstig forfalla (veikindi eða leyfi). Ef forföll eru ekki skráð á tímann er notað fjarvistarstig fjarvista (seint eða mæting).

Einfalt er að sjá hvar vantar fjarvistarskráningu því í yfirlitinu Kladdi (kafli 6) mun þá vanta fjarvistar/mætingar skráningu. Fjarvistarskráningin og útreikningur á fjarvistarstigi nema hefur engin áhrif á fjarvistir sem skráðar eru á kennara.

Á hverjum tíma má fá út yfirlit yfir fjarvistarstöðu nemenda bæði á gefnu tímabili eða miðað við tiltekinn dag (fjarvistayfirlit kafli 7).

Kennarar hafa aðgang að fjarvistarkerfi fyrir sína hópa í gegnum stundatöfluna. Þannig geta þeir einungis skoðað og skráð fjarvistir á sína hópa. Þeir sem hafa aðgang að hlutverkinu VIÐVERA hafa aðgang að allri fjarvistaskráningu og forfallaskráningu. Þeir geta einnig tekið út yfirlit yfir stöðu nemenda.

Að neðan er mynd sem sýnir vinnuborð kennara. Með því að smella með músinni á Ft má skrá fjarvistir fyrir ákveðinn tíma, með því að smella á Fv má skrá fjarvistir fyrir eina viku í einu. Með því að skoða kladda (efst til hægri) má skoða stöðu viðveruskráningar fyrir tiltekinn áfangahóp. Hægt er að prenta út viðverulista með því að velja viðverulisti (efst til hægri)

Áður en farið er að skrá fjarvistir og forföll á nemendur þurfa tegundir forfalla og fjarvista að vera til í kerfinu. Skólarnir skrá sjálfir sínar tegundir fjarvista og forfalla ásamt fjarvistamargfeldi þeirra.

Í Tegundir – Fjarvistir er hægt að stjórna því hvort tímar merktir með þessari tegund fjarvista eigi að teljast með í fjarvistaútreikningi eða ekki.