Skrá forföll á tímabil

Hægt er að skrá forföll á tímabil, t.d. .þegar nemandi tilkynnir veikindi í einn dag eða lengur.

Þessi vinnuleið er ætluð til að athuga hvort einhverja tíma vantar í fjarvistarskráningu kennara.

Myndin sýnir yfirlit yfir fjarvistarskráningu fyrir tilteknar vikur fyrir nemendur í bekk eða hóp. Hver dálkur í myndinni vísar í tiltekinn dag og tíma innan dags. Ef kennari hefur ekki lokið skráningu fyrir tiltekinn tíma þá er dálkurinn auður.  Forföll birtast í sviga fyrir aftan viðveruna ef búið er að skrá forföll á tímann.

Hægt er að fá yfirlit yfir fjarvistarstöðu nemenda. Birtar eru fjarvistir nemenda í hverjum áfanga fyrir tiltekna önn auk fjarvistarstigs í áfanga. Nemendur eru valdir í listann eftir:

·         tímabili, önn

·         nemendanúmeri, nafn nemanda

·         áfangahóp/bekk,

·         notendahóp (t.d. “Tæpir í mætingu”),

·         mætingarhlutfalli,

·         umsjónarkennara, braut.

Tegund yfirlits segir til um hvaða upplýsingar eru birtar í fjarvistayfirlitinu.  Hægt er að fá listann ítarlegan og er þá birt talning fyrir hverja fjarvista- og forfallategund. Auk þess er birtur heildarfjöldi tíma, fjarvistarstig og mætingarhlutfall. Einnig má fá listan sem Mætingarhlutfall viku fyrir viku. Þá er birt mætingarhlutfall fyrir hverja viku fyrir sig.

Með því að ýta á hnappinn Útbúa notendahóp má velja þá nemendur sem komu fram í listann í notendahóp sem síðan er hægt að velja út frá síðar. Þetta er hentugt t.d. til að fylgjast með nemendum sem eru undir tilteknum mörkum í mætingu.

Hnappurinn Útbúa skrá sendir niðurstöðu leitarinnar í gagnaskrá til notanda. Þá er hægt að vinna með gögnin frekar t.d. í Word eða Excel.

Hægt er að fá nánara yfirlit yfir viðveru hvers nema með því að velja krækjuna Nánar við nemann. Þá birtist mynd eins og sú hér að neðan.