Listar

Listamyndir eru byggðar upp af leitarskilyrði og lista. Í leitarskilyrði setur notandi fram leitarforsendu sem oft getur verið samsett úr mörgum atriðum. Til dæmis að finna áfanga út frá áfangaheiti og undirskóla, eða finna nemanda út frá braut og stöðu nema. Þegar notandi hefur sett fram leitarforsendu ýtir hann á leitarhnappinn. Listi er birtur með þeim færslum sem uppfylla leitarskilyrði. Hægt er að raða listanum á mismunandi vegu með því að smella á dálkahausana. Með því að ýta á nýskrá táknið til hægri undir listanum má skrá nýtt atriði (nýskráning 1.6.3). Hægt er að velja færslu og skoða hana. Þá er birt annaðhvort flipamynd (ef gagnamagn er mikið) eða skoða mynd (sjá 1.6.2).

Ef fjöldi færslna sem uppfylla leit eru margar er birtur flettilisti. Þá eru fyrstu 20 færslurnar birtar á síðunni og notandi getur síðan flett í næstu 20 færslur eða fyrri 20 færslur ef hann er ekki staddur á fyrstu síðunni. Þegar hægt er að fletta í lista eru flettitáknin að neðan birt fyrir neðan listann.