Greiðslur

Í hlutverkinu Greiðslur er hægt að leggja gjöld á nemendur eftir ákveðnum leitarskilyrðum, leggja endurinnritunargjald á nemendur, sækja skrá yfir greiðslur og gjöld og lesa inn skrá frá banka yfir greidd gjöld nemenda.

Áður en hægt er að leggja gjöld á þarf að vera búið að skilgreina tegundir gjalda fyrir skólann, t.d. Skólagjald, Efnisgjald, Endurinnritunargjald og Matsgjald.  Það er gert undir hlutverkinu Tegundir, sjá kafla 19.7 í hjálpinni.

Hérna er hægt að leggja gjöld á nemendur eftir leitarskilyrðum.  Hægt er að leita að nemendum eftir undirskóla, braut, stöðu nema, hvort nemi sé virkur eða óvirkur, hvort nemi hafi valið eitthvað fyrir ákv. önn, hvort nemi hafi valið ákv. áfanga á önn og kennitölu.

Skólagjald

Þegar verið er að leggja á skólagjald væri eðlilegt að velja næstu önn í svæðinu Með val á önn.  Þá koma upp allir nemendur sem hafa valið sér áfanga fyrir næstu önn og gjaldið verður lagt á þá.

Efnisgjöld

Þegar efnisgjald er lagt á fyrir næstu önn er næsta önn valin í svæðinu Með val á önn og svo er áfanginn sem leggja á efnisgjald á slegin inn í svæðið Í áfanga.  Þá koma upp þeir nemendur sem hafa valið sér þann áfanga.

Hægt er að velja um tvær tegundir álagningar:  Geta valið úr nemendum og Leggja á alla sem uppfylla skilyrði.  Ef fyrri möguleikinn er valinn þá birtast allir nemendur sem uppfylla skilyrðin í vinstra boxinu, þeir nemendur sem fluttir eru yfir í hægra boxið fá gjaldið á sig.

Ef seinni möguleikinn er valinn þá birtist millimynd þar sem tekið er fram hversu margir nemendur koma til með að fá gjaldið við staðfestingu.  Við staðfestingu fá þeir nemendur gjaldið á sig.

Að lokum þarf að slá inn upplýsingar um gjaldið sem leggja á á.  Það þarf að velja tegund gjalds í svæðinu Gjald, slá inn upphæð í svæðið Upphæð og slá inn athugasemd ef við á. 

Endurinnritunargjald er lagt á nemendur skv. reglugerð frá Menntamálaráðuneytinu.  Ákveðin upphæð er greidd fyrir hverja fallna einingu eftir ákv. útreikningi.  Hægt er að fá skrá yfir endurinnritunargjaldið sem ætti að leggja á skv. reglugerðinni og svo er hægt að láta leggja endurinnritunargjaldið á.

Það þarf að velja önnina sem fallið er miðað við í svæðinu Fall á önn, næstu önn í svæðinu Með val á önn (þar sem endurinnritunargjald leggst aðeins á þá sem ætla að koma aftur í skólann á næstu önn), Viðmiðunardags. úrsagnar er dagurinn sem miðað er við hvort nemandi hlýtur fall fyrir áfangann eða ekki.  Þeir nemendur sem sögðu sig úr áfanga eftir viðmiðunardags. fá einingarnar taldar sem fall.  Ef verið er að leggja gjaldið á þá þarf einnig að velja tegund gjalds í svæðinu Gjald. Að lokum þarf svo að slá inn netfang sem senda á skránna á.

Hérna er hægt að fá senda skrá yfir ógreidd og greidd gjöld eftir ákveðnum leitarskilyrðum.  Ef verið er að fá ská yfir ógreidd gjöld þá fylgir einnig með skrá á stöðluðu formi fyrir banka.

Hægt er að leita að greiðslum eftir undirskóla, braut, stöðu nema, hvort nemandi sé virkur eða óvirkur, hvort hann hafi valið eitthvað á ákv. önn, hvort hann sé í áfanga á ákv. önn, kennitölum ( komma (,) skilur á milli svæða ), hvort greiðslan hafi áður verið sett í skrá, tegund gjalds, hvort búið sé að greiða eða ekki og dags. álagningar frá, t.d. ef bara er verið að sækja nýjustu gjöldin.

Ef t.d. er verið að útbúa bankaskrá fyrir efnisgjöld í ákv. áfanga þá þarf að velja önn, slá inn áfanga og hafa nei í svæðunum Áður sent og Greitt.

Hérna er hægt að lesa inn skrá frá banka, þau gjöld sem finnast skv. skránni eru skráð greidd.  Áður en hægt er að lesa inn skrá í fyrsta sinn þá þarf að skrá hvernig uppbyggingin á skánni er, þ.e. í hvaða sætum kennitala, upphæð, tilvísun og greiðsludagur eru.  Ekki er hægt að lesa inn fyrr en þessum skilgreiningum er lokið.  Ath. fyrsta sætið í skránni er sæti 0.

Svo er hægt að athuga hvort uppbyggingin á skránni sé rétt miðað við hvernig hún ætti að vera.  Þ.e. hvort sætin sem svæðin séu í stemmi við skráð sæti.

Ef skáni er t.d. á eftirfarandi formi:

0701753599 950000  7566      14.01.2002

0802753699 950000  002       14.01.2002

Þá eru sætin í skránni svona:

          10        20        30                     

0123456789012345678901234567890123456789

0701753599 950000  7566      14.01.02

0802753699 950000  002       14.01.02

Þá verður skráin lesin rétt inn ef uppbygging skráarinnar er skráð á eftirfarandi hátt.

Kennitala í sætum 0-10, kennitala má ekki vera með bandstriki.

Upphæð í sætum 11-15, upphæðin í skránni er gefin upp með tveim aukastöfum en ætti að vera í heilum tölum.  Sæti til er því 15 í stað 17 og þá eru aurarnir klipptir af.

Tilvísun í sætum 18-28, ef tvilvísunin er ekki í samræmi við þá tilvísun sem gefin var upp í vinnuleiðinni Greiðsluskrá þá ætti þetta svæði að vera tómt, ef það er ekki tómt þá getur þú látið það líta út fyrir að vera tómt með því að láta það vera í sæti 18-18.

Dags. í sætum 29-37, dags. ætti að vera á forminu dd.mm.yy.

Þú getur valið skránna og smellt á Skoða ef þú vilt sjá hvort skráin sé rétt uppbyggð.  Þar kemur fram hvaða gildi eru í hverju svæði.  Ef þú sérð t.d. að klippt er af kennitölunni þá þarftu að breyta skilgreiningunni á uppbyggingu bankaskrár eða breyta bankaskránni í samræmi við uppbyggingu bankaskrár skólans.

Eftir að þú hefur fullvissað þig um að bankaskráin sé á réttu formi þá smelir þú á Lesa inn til þess að skrá gjöldin í bankaskránni sem greidd.  Leitað er að greiðslum eftir tilvísunarnúmerinu ef það er ekki tómt en annars er leitað að ógreiddu gjaldi sem hefur sömu upphæð og er í bankaskránni.  Ef greiðslan finnst þá er settur á hana greiðsludagur skv. bankaskránni og þar með er greiðslan skráð greidd, annars birtist línan á skjánum að vinnslu lokinni.